السلام
الام : مهوووووووووووي مهووووووووووي وين هاي البنت
مها: نعم خير........ شو تبين ... بسرعه فكيني وراي لعب دوري بيي عقب شوي
الام: اعقلي شوي ماوراج الا هاي الكوره اقول سيري سحي شعرج وحطي شوية مكياج ..بيون حريم عقب شوي يسلمون على يدتج وابغيج تسلمين عليهم
مها: ليش ؟
الام: خلي الناس تشوفج خاطري الناس تصدق ان عندي بنات عمرهم ما شافوج!!
مها : ما عندج سالفه اسير اكمل لعب ليكون سارو دوري بيي
الام: الله يهديج
الخاله : بنتج ما بتوب من هاي الهياته
الام : ما ظنتي
خالد : اقول خالوه شو رايج ندخل مهوه في نادي الشعب
الام : تستضرف دمك حضرتك هي بس فترة المراهقه جيه.. بعدها بتشوف كيف بتستوي بنتي احلى من كل البنات
خالد: خالوه انتي بعده عندج امل انها بنت!!!! هاي واحد من الربع صرخه وحده تشرد فريج
الام : خلود بتسكت ولا اصنك على عينك
(تدخل مها بعد ما سمعت الكلام الي بين امها وخالد)
مها : كاني سمعت حد يالس يقطعني ؟؟؟؟؟؟؟ قولو منو؟؟؟؟ فيكم خير قولو .؟ شو بلايه انا ها قول.. شو بلايه يالبرنثه
خالد: ما فيج شيء تخبلين من دلالج
مها : تطنز حضرتك ويا الويه بتنطب ولا اسويلك شوارع في ويهك
خالد : والله حرام تكونين بنت
( بعد كم يوم مها واختها ريم وبنت خالتهم خوله قاعدين يسولفون )
خوله: اليوم شفت واحد في صحارى سنتر ياخذ العقل حنطاوي وطويييييل وعريض فديته غاوي
ريم : خولوه انتي كل الناس عندج ياخذون العقل انا ما يعيبني اي احد
مها : تصدقون سوالفكم تقهر ما عندكم غير هذاك الحنطاوي وهذاك طيب وحبوب وهذاك وهذاك ارمسو بشي يحمس كورة مصارعه سيارات لوعتو جبدي
خوله : شو رايج نرمس عن الصناعيه... شو قالولج بنات يسولفون شو تبينهم يسولفون عن سمكرة السيايير
ريم : هي والله خولوه لاتصبغين سيارتج عند سراج تراه كله يحط معجوون في الصبغ هههههههههههه...... قوليلها طفرتني.. ما عندها غير الكورة والسيايير
خوله : من سوالفها وشيفتها محد مصدق انها كبرت كل الناس تتحراج ولد من هاي الحركات
مها : شو قصدج اني لوفريه مثلا ؟
خوله : لا حشا والحشا عن اللف يمين انتي لوفريه ابد منو قال اصلا انتي مب لوفريه انتي شليتيه ويسمونج يانكا بعد
مها : تستهبلييييييييييييييييييين
خوله : اتحداج يوم واحد تفجين شعرج وتلبسين تنورة وتحطين مكياج وترمسين بهدوء
ريم : هي وبعد يوم تيلسين تحطين ريل على ريل مب تتربعين على القنفه
مها : تتحدوني يعني ؟
ريم : ما اظنج قد هذا التحدي ابد
مها: بتشوفون باجر
( صباح الجمعه الغدا في بيت يدهم تدخل مها وامها وريم مها لا بسه تنورة فاجه شعرها ومستشورتنه ورافعتنه بنظاره حاطه مكياج ولابسه جعب )
خوله : ماااااااااااااااااااا اصدق حد يقرصني
ريم : اسكتي انا ما عرفتها اول ما شفتها
خالد: منو هاي؟
خوله: هذي مها يالعمي
مها ترد بدلع : ياي شو بلاكم....... شو صاير
خالد : مها بلاه صوتك ؟؟؟؟؟؟؟؟؟ انتي مريضه
مها : هاهاهاهاه حلوه هاهاهاهاه
خالد: غريببببببببه تردين بضحكه ؟؟؟ العاده تزاعجين من قمة راسج
خوله: انا قلت حد يقرصني
ريم : ترا والله ما احسها اختي
الام : عسا دوم يا رب لا تضربونها بعين.... عطيتكم كوع العسم
( بعد شهر على هاي الحال شعر ومكياج و رقه )
مها : اقول ريم ترا انا طفرت من ها الحاله احس اني ملولش
ريم : تبين الصدق شكلج جيه احسن حتى الحريم قامو يرمسون عنج
مها : وشو يقولون عني قلقلهم ضرس.... قولي لي منو وانا بحط عليها النون ومايصنعون
ريم : خيبه خيبه محد حش فيج اقول يرمسون عليج يعني يبون يخطبونج يعني يقولون انج غاويه
مها : يللللللللللللللللللللللللعني كم بعيش والله اني مب سهله
ريم : اقولج شيء بس قولي والله ما تحرجين وتسوين مصيبه
مها: والله ما اسوي شيء بس قولي
ريم : خلادي قال لخولوه انه يبا يخطبك
مها : شوووووووو هههههههههههههههههههههههههههههه خلادي ههههههههههههههههههههههههههههههه شوها مب صاحي صدق اللعبه ههههههههههههههههههههههههههههههههههههههههههههههههه
ريم : اي لعبه
مها : شكلي لعبه انا احس اني في مسرحيه
ريم : شو اتمصخر وياج انا........انا اقولج الريال يرمس صدق
مها : يعني شو
ريم : يعني يحبج
مها : حبته الدود والعقارب السود قولي آمين
ريم :اقولج يحبج تقومين تدعين عليه هذا بدل ما تقولين يا حليله
مها : شو يحليله يعني شو تبيني اسوي اناقز فوق الشبريه واقول يحبني هييييييييييه يحبني هييييييييييه
ريم : انا ما قلت جيه انا بس اقول فكري في الموضوع بجديه شوي يعني هذا الشيء حطيه في بالج عدل يعني مفروض تميلين لاي حد يعجبج أو تحبين حد
مها : يعني اذا رقمني حد اكلمه
ريم : شو تتمصخرين وياي انتي انا اقولج تحبين ما قلت لك صيعي يعني حبيه شعور داخلك لا تسوين شيء غبي
مها : انا احب انتي مب صاحيه ما حبيتج انتي وامي عشان احب واحد هههههههههههههههههههههههههههه اتمصخر ترا والله احبكم
ريم : انا ارمس جد ما اتمصخر....انتي متى بتتغيرين؟ يعني انتي الحين بثالث ثانوي... ولا صاقطه سنتين وبعد حركات الشليتيه
مها : تطنزين علي عشاني راسبه لي كم سنه عادي اصلا الرسوب دليل المثابره فيني .....وحده ثانيه يأست وتركت الدراسه
ريم : انا بس اقولج فكري بالموضوع وانتي بكيفج
( بعد كم يوم في بيت اليد مها منسدحه تطالع التلفزيون)
خالد : احم
مها وهي تعدل يلستها : ادخل شو فيك مستحي ؟
خالد: لا بس اكح
مها : سلامتك من الكحه
خالد: الله يسلمج......... هاه شو الدراسه وياج ماشيه ابغيج تنجحين عاد هذي السنه
مها : وانته شلك انا اللي بمتحن ولا انته منو اللي داس على ذيلك
خالد: لا بس خاطري تنجحين هاذي السنه يعني وضعك مب عايبني
مها : ليش انت امي وانا ما ادري
خالد : مب لازم اكون امج عشان اهتم فيج بس انتي تهميني
مها : انا اهمك ... هي صح مب انا بنت خالوتك
خالد: لا مب عشان جيه ....مها ليش انتي مب حاسه فيني؟؟
مها : كيف مب حاسه فيك تراني ارمسك انت بالغرفه وترمس كيف ما احس لو انك ساكت جان قلت مب حاسه فيك
خالد : هذا طبعج ما راح تغيرينه اللف والدوران والاستهبال شكلي أأذن في خرابه
مها :شو بلاك زعلت دلوع ماماه؟
خالد: الله يهديج ويكملبج بعقلج أترخص
مها :اويه زعل .....تعال خلادي حوووووووووه تعال يالبرنثه اتمصخر وياك
( في نفس اليوم بالليل قالت مها لريم الي صار مع خالد)
ريم : غبيه انتي غبيه .؟
مها : ليش شو سويت ؟
ريم : حرام عليك يقولج مب حاسه فيني قصده مب حاسه بحبي
مها : انا ادري ان قصده جيه بس شو تبيني اقوله وانا بعد احبك.. استحيت وشو ارد عليه قمت استهبلت
ريم : والله حرام عليج حطمتيه اتحداج الحين ان حتى يفكر انه يحبج حرام عليج احسه كرهج من قلبه قال هاذي صفعونيه وبتم صفعونيه ولا حتى تفكر فيني ولا تحبني
مها (ترد وهي تصيح ): حرام عليج لا تقولين لي جيه انا ما كان قصدي اسوي فيه جيه
ريم : مها تصيح الله واكبر... وانا شو سويت لج... اول مره اشوفج تصيحين شوفيج
مها:شو انا انسان ما اصيح مثل باقي الناس
ريم : اسفه بس شو فيج
مها : انا احببببببببببه ما تفهمين انا احبه
( بعد الي صار في بيت يد مها قاعده بالحديقه لوحدها يمر خالد بيطلع من البيت )
مها : خلادي
خالد : هلا مها اسمحيلي مستعيل شوي
مها: بس ابغيك بشيء ضروري
خالد: آمري شو فيج في مشكله خوفتيني شو فيه
مها : لا ولا شيء بس كنت ابغي اسالك زعلت مني هذاك اليوم ؟
خالد: اي يوم؟
مها: يوم تمينا نرمس في الصاله وانته زعلت وظهرت
خالد يرد وهو محرج : ما اذكر يوم مثل جيه اسمحيلي انا مستعيل
مها : تذكر يوم قعدت تقول اني مب حاسه فيك انا كنت ابغى اقول.......
خالد: شو بتقولين ؟
مها :كنت ابغى اقول ...... تراني حاسه فيك وترا العكس انت الي مب حاس فيني
خالد: ههههههههههههههههههههههههههههههههههههههههههههههههه يا الملعوونه وحارقه اعصابي ليش ؟
مها وويها محمر : لا تضحك ما يضحك ....حمار استحيي
خالد:هههههههههههههههههههههههههههههههههههههههههه ويهج احمر اقول متى تبين الملجه اليوم باجر السبت ولا العرس.... بسرعه حددي قرري؟
مها : شو عرس وشو اقرر قول لامي بعدين يصير خير اخاف تطلع مو من مستوانا
خالد : رجعنا للهبل بس اعقلي شوي
( مرت ثلاث شهور وصارو مخطوبين لبعض خالد يتصل في مها )
خالد : الو مهوي غناتي
مها : هلا عيوني شحالك ؟
خالد : كشخه حبيبي .. اقولج مهوي عندي لج شيء بيفرحج... اعرفج تحبين هاي الاشياء اليوم بنسير ويا الشباب في تحدي بيشلون المواتر على تايرين تحدي ويا شباب العين
مها : وانت وياهم؟
خالد : لا باخذج وبنسير نشوفهم
مها : الله كشخه متى بتي؟
خالد : نص ساعه انا عندج
( بعد ما راحو وهم يتفرجون )
خالد: ها شو رايج مستانسه ؟
مها : الله كشخه وناسه اللي يشوفهم مايقول ان هذيل ربعك
خالد: يا سلام شو تتحرين انهم احسن مني اللحين اراويج
( ينزل خالد من السيارة ويركب سيارة واحد من ربعه وتم يشل السياره وعقب ماخلص بغا يستعرض في السياره داخل الدوار على سرعه وفجأة وهو داخل الدوار انفجر التاير وتنجلب السيارة اكثر من ثلاث جلبات ويضرب راسه في الشارع ويتيمعون كل ربعه عليه وتنزل مها من السيارة الي واقفه بعيد وتركض لين ما وصلت المكان الي هم فيه بس يوم وصلت )
واحد من ربعه يقول للثاني : لا حول ولا قوة الا بالله ان لله وانا اليه راجعون
مها وهي تصرخ : لا مو معقول مو معقول انا السببب لا انا السبب مستحيل ما يصير
يرد عليها واحد من اصدقاءه : اخر كلمه كان يقولها مها لا تخافين انا بخير منو مها هاي؟
( مها لما سمعت هذا الكلام طاحت واغمي عليها)
( بعد ثلاثة ايام ومها في غيبوبه فتحت عينها وتشوف امها وريم جدامها )
مها وهي تصرخ : وين خالد خلادي وينه شو استوى
الام تصيح : هدي يا بنتي هذا قضاءالله وقدره هذاك كان يومه
مها : لا لا ما يصير لا ما يقدر يموت لا كان جدامي انا الي خليته يسير يركب السيارة مات جدام عيني شفته بعيني الحادث الي صار ما يقدر يموت ويخليني لااااااااااااااااااااا
خالد مات جدام مها بحادث كانت هي السبب فيه.... مها عاشت طول حياتها وهي تحس ان هي السبب في موت خالد
النهايه
موضوع: قصه واقعيه(مهاوخالد) 
الإثنين أبريل 28, 2008 11:04 am
